Gazeta Start - Trashëgimia te noterët, lehtësi për qytetarët
facebook
twitter
rss
E Martë,   28 Prill 2015
Trashëgimia te noterët, lehtësi për qytetarët
2013.02.03 - 11:51   
 
Tiranë - Çështjet për dëshmitë e trashëgimisë nuk do të trajtohen më nga Gjykatat, por nga Zyrat e Noterëve. Kjo është e parashikuar në draftin e ri ligjor të ministrisë së Drejtesisë, që pritet të kalojë së shpejti për miratim në Parlament.  

Kjo paketë ligjore,  ka të bëjë me heqjen e trajtimit të trashëgimisë nga gjykatat dhe kalimin e procesit tek noterët, duke eliminuar procedurat gjyqësore për çështjet e trashëgimisë. Ndërsa, procesi do të jetë i sigurt dhe i thjeshtë.

Kjo do të lehtësojë shumë kostot e qytetarëve, sepse ndërsa qytetarët paguajnë për paraqitjen e kërkesës në gjykatë, humbasin ditët e punës, ose do t’u lindte nevoja për të marrë një avokat për të ndjekur këto procedura, në rastin e noterit kjo gjë do të eliminohet. Do të jetë vetëm ajo pagesë që do t’i bëhet noterit për kryerjen e shërbimit".

Presidentja e Dhomës Kombëtare të Noterëve, Mimoza Sadushaj, në një prononcim për media, duke vlerësuar nismën e ministrisë së Drejtësisë për çështjet e trashëgimisë theksoi se,  “me këtë procedurë qytetarët do të lehtesohen, pra do të paraqiten vetëm një herë tek noteri dhe do ta mbyllin procedurën e tyre shumë shpejt për të mos u penguar ne realizimin e të drejtave të tyre në lidhje me transaksionet e pronave të tyre".

Duke i hequr këto çështje nga gjykata dhe duke i kaluar tek zyra noteriale, më kryesorja e asaj që do të fitojnë qytetarët do të jetë koha, sepse ndërsa sot për të lëshuar një dëshmi trashëgimie nga gjykata shkon edhe tre muaj, prapë noteri do të jetë ai që do t`ia bëjë këtë dëshmi shumë shpejt. Por, kalimi i trashëgimisë tek noteri, do të lehtësojë edhe vetë gjykatat nga çështje të tilla, pasi do të reduktojë ngarkesën e madhe që ato kanë. Një qytetari i duhet mesatarisht 60 ditë që dëshmia e trashëgimisë të zgjidhet në gjykatë, ndërsa ky ndryshim parashikon që pranë noterit gjithçka të zgjidhet për më pak se një javë. Për ministrinë e Drejtësisë, reformat e ndërmarra në sistemin e drejtësisë kanë në fokus rritjen e eficencës së sistemit dhe lehtësimin e procedurave për qytetarët. /Start/



     
  Komento kete Lajm!   
  Emri*   
  Qyteti   
  Permbajtja e komentit*   
  Kodi*     
 
Sqarim: Njoftojme te gjithe lexuesit tane se komentet te cilat permbajne fjalor ofendues, antikombetar, antifetar, percares NUK DO TE PUBLIKOHEN!!!
     
Lajme të ndryshme
Reali mendon ta blejë përfundimisht Hernandezin
Kujdes! Edhe majmunët rebelohet (Video)
“Lumia” shton në buxhetin e Microsoftit 1.4 milionë dollarë
Aloe vera, bima e shëndetit
Lidhja e mrekullueshme mes nënës dhe fëmijës
Nëna
Kukësi shkarkon Shaqirin
Kur zebrat dalin ‘shëtitje’ shkaktojnë kaos (Foto/Video)
Modiano: Harresa. E shkuara? Është vendi i krimit
Op / Ed
Lajmi i fundit
 Forum
Ti je një thesar! Ti je vetë një thesar! Nuk ke nevojë ta thotë dikush apo të të vlerësojë dikush tjetër. Nëse thesari yt është mbuluar me pluhur merr një leckë të butë dhe pastroje, fshije mirë dhe shkëlqeje. »»
 Eseistikë
Revolucioni dhe religjioni Në një mënyrë a në një tjetër, historia ka treguar se nuk mund të arrihet një ndryshim i qenësishëm në rrafshin individual dhe sidomos në atë shoqëror pa një trajtë revolucioni apo religjioni, pavarës »»
 Dossier
Terenc Toçi dhe qeveria e përkohshme shqiptare e 26 prillit 1911 Terenc Toçi ishte dhe mbetet një nga personalitetet më të njohur shqiptarë të arbëreshëve të Italisë. Ai u lind më 9 mars 1880 në një provincë të Kozencës. Që në moshë të re, Terenc Toçi u aktivizua n »»

 

[ Stafi | Kreu | Kontakti | Politika e Botimit ]
Copyright 2006-2014 © GazetaStart.com - Të Gjitha Të Drejtat e Rezervuara.