facebook
twitter
rss
E Merkurë,   01 Tetor 2014
Sherebeli “pushton” Malësinë e Madhe
2012.11.04 - 12:29   
 
Malësi e Madhe – Në zonën e Malësisë së Madhe, fermerët po orientohen nga Ministria e Bujqësisë për të mbjellë bimë medicinale, ku deri më tani janë mbjellë qindra hektarë me sherebel.  

Gjatë një vizite që bëri në komunën Kastrat dhe fshatrat e tjerë të Malësisë së Madhe, ministri i Bujqësisë, Genc Ruli ironizoi dhe kryetarin e Socialistëve, duke i bërë thirrje që të takojë fermerët e vërtetë dhe jo ish-kryetarë komunash.

Në Kastrat, gjatë bisedës me një fermer që ka një parcelë me rreth 10 hektarë sherebelë, ministri premtoi mbështetje të mëtejshme financiare për kultivuesit e bimëve mjekësore. “Faktikisht është e vërtetë që kjo është një nga tokat më të varfra në Qarkun e Shkodrës, dhe sot ka arritur të marrë një vlerë ekonomike në sajë të zgjuarsisë që keni pasur për të zgjedhur kultivimin e kësaj bime, që ju siguron të ardhura të konsiderueshme, rreth 3 mijë dollarë të ardhura neto që i ngelen fermerit. Ecuria është shumë e shpejtë në këto pak vite, regjistrohen tashme rreth 2 mijë hektarë të mbjella në këtë zonë me sherebelë dhe bimë të tjera eterovajore. Vetëm vitin 2012, që ende se kemi mbyllur janë rreth 500 hektarë të reja me sherebel, nga të cilat rreth 320 janë subvencionuar nga shteti. Duke parë këtë potencial prodhimi, këtë burim të ardhurash që ka për fermerët kjo kulturë, padyshim që është më se e realizueshme dhe unë e premtoj si diçka të vendosur, që ne do të subvencionojmë në formën e një kredie pa interes bërjen e një stabilimenti tharës”, tha ministri Ruli.

Sipas ministrisë, kjo bisedë me fermerët dhe drejtuesit lokale u bë në të njëjtën parcelë ku ishte para disa ditësh kryetari i PS-së, Edi Rama. “Besoj që është edhe e ndershme për shqiptarët, të themi që pikërisht nga kjo parcelë para disa ditësh, “rilindësi i vonuar”, zoti Rama ju tha shqiptarëve që toka prodhon varfëri, se shqiptarët s`mund të jetojnë dot me tokën e tyre, se fshati është i braktisur. Unë e pranoj që Rama mund të ngatërrojë ullirin me lisin, por nuk  mund të pranoj që Rama të paraqesë si fermer në këtë tokë një ish kryetar komune dhe të mos shohë se kush është vërtet fermeri, se çfarë pune bën fermeri dhe se çfarë thotë me gojën e tij fermeri për rezultatin e punës së tij. Është gjë pozitive që ne shohim punën që ju keni bërë, sepse natyrisht  ndihma e shteti shkon në rradhë të parë te ai që di të prodhojë. Padyshim që do ta keni dhe punishten që kërkuat, pasi ajo rrit vlerën e prodhimit dhe fitimet tuaja”, vijoi Ruli.

Më pas, ministri është ngjitur më në lindje të Malësisë së Madhe ku është parë nga afër puna që fermerët po bënin si në vjeljen e sherebelës ashtu dhe në mbjelljen e sipërfaqeve të reja me këtë bimë mjekësore. Fermerët në zonën e Koplikut të Sipërm, Lohje dhe Marshej kanë kërkuar që veç mbështetjes për mbjelljen të ketë mbështetje dhe për dhomat e tharjes dhe impiantet e presimit dhe paketimit.

“Është një gjë e madhe që qeveria shqiptare në zonën e Malësisë së Madhe të subvencionojë sherebelën. Është një punë shumë e frytshme. Kam qenë 10 vite jashtë shtetit dhe nuk kam pas mundësi të investoj më parë, tani po investoj në sherebelë. Ne kërkojmë vetëm një ndihmë, për tharjen e sherebelës, pasi kemi një prodhim të bollshëm. Jam shumë i kënaqur që qeveria shqiptare ka dhënë ndihmë, ku në një tokë që as bar nuk prodhonte, sot prodhon bimë medicinale, sepse ne patëm një orientim për ta shfrytëzuar këtë tokë që nuk prodhonte asgjë”, tha Luc Bakaj, fermer në komunën Kastrat.

Më shumë se 26 milion lekë janë dhënë gjatë këtij vitit për të subvencionuar dhe mbështetur fermerët që kultivojnë bimë medicinave. Të dhënat zyrtare nga Ministria e Bujqësisë, Ushqimit dhe Mbrojtjes së Konsumatorit bëjnë me dije se deri më tani janë bërë 314 aplikime me një sipërfaqe prej 376 hektarë të mbjella me bimë medicinale. Subvencioni për bimët mjekësore është 200 mijë lekë për hektarë dhe çdo fermer që aplikon mund ta përfitojë direkt këtë mbështetje financiare. /Start/



Postuar më: 2013-06-02 16:17
sa lek vete sherebeli ? se mundet te bleij me itereson kilia sa vete edhe nije kuintal sherebel sa lekvete
DONALDO , tepelen
     
  Komento këtë Lajm!   
  Emri*   
  Qyteti   
  Përmbajtja e komentit*   
  Kodi*     
 
Sqarim: Njoftojmë të gjithë lexuesit tanë se komentet të cilat përmbajnë fjalor ofendues, antikombëtar, antifetar, përçarës NUK DO TË PUBLIKOHEN!!!
     
Lajme të ndryshme
Danimarka shpall listën anti-Shqipëri
Personat që preferojnë macet janë më inteligjentë se ata që preferojnë qentë
Lazeri që do të shpejtojë internetin
Është koha të hani hide
Reagimet e fëmijës pas divorcit
Akrobaci me motor dhe avion
Nis Kupa e Shqipërisë, ja rezultatet e turit të parë
Kur pitoni 4 metër shfaqet mbi abazhurin e banjos (foto)
Artan Fuga: Mediat sociale përcjellin dije
Analistët
Lajmi i fundit
 Forum
Edhe pa ty... Mos e mbivlerësoni shumë veten. Interesin, kujdesin dhe dashurinë të cilat i lëshoni me koprraci të tjerët mund t’i japin me shumë kënaqësi. Askush nuk është i pazëvendësueshëm. »»
 Eseistikë
Bardh Ziu Tregimtari e ka përherë të vështirë të rrëfejë, sepse i duhet të çapitet vazhdimisht mes besnikërisë dhe përshtatjes së rrëfimit me kohën. Besnikëria në këtë rast, me gjasë ka dy kuptime: besnikëria e »»
 Dossier
Projektligji i Këshillit Kombëtar në vitin 1922 për duhanin, alkoolin, bixhozin dhe homoseksualitetin (III) Bixhozi që luhet nëpër kafene, do të sillet nëpër shpija. Posa u vendosim dënim atyre që luajnë nëpër kafene, atyre që luajnë nëpër shpija duhet t`u vendosim denim dyfish. »»
Abonohu
Email
(*) Abonohuni këtu nëpërmjet emailit tuaj për të lexuar lajmet kryesore të ditës.

 

[ Stafi | Kreu | Kontakti | Politika e Botimit ]
Copyright 2006-2014 © GazetaStart.com - Të Gjitha Të Drejtat e Rezervuara.