E shtunë, 30 Maj 2015

0

Volfsburgu është fituesi i Kupës së Gjermanisë, pasi triumfit 3-1 në finalen përballë Dortmundit.

Verdhezinjtë e nisën më së miri lojën duke shënuar që në minutën e 5’të me anë të Aubameyang, por Volfsburg nuk u dorëzua.

Miqtë tronditën tre herë “Olympiastadion”, pas golave të e Gustavos 22’, De Bruyne 33’ dhe Dost 38’.

Pavarësisht disa rasteve në pjesën e dytë, asnjëri ekip nuk gjeti sërish rrugën e rrjetës.

Kjo ishte hera e parë në histori që Volfsburg fiton Kupën e Gjermanisë.

/GS/

0

Sarajevo fiton Kampionatin Boshnjak duke i dhënë mundesinë e artë Skënderbeut për të qenë në vazon e parë të UEFA Champions League.

Suksesi 3 -1 Sloboda Tuzla ka shpallur këtë skuadër kampione të Bosnje Hercegovinës.

Skënderbeu ka një koefiçent më të mirë se kundërshtari falë përfaqësimit në vitet e fundit në kupat e Europës.

Kjo është hera e parë që një ekip shqiptar hyn në vazon e favoriteve.

Kjo do të jetë pjesëmarrja e pestë për Skënderbeun në turet eleminature të Champions League.

/GS/

0

Arsenali shpallet kampion i Kupës FA për të dytën herë radhazi.

“Topçinjtë” triumfuan me rezultatin e thellë 4-0 në finalen përballë Aston Vilës.

Golat e takimit u shënuan nga Ualkot 40’, Sançez 50’, Mertesaker 62’ dhe Zhiru në minutat shtesë.

Kjo është hera 12-të në histori që Arsenali fiton trofeun prestigjoz të Anglisë.

Skuadra e Vengerit “shpëton” kështu sezonin me një trofe pas dështimit në garën e Premier Ligës dhe Ligës së Kampionëve.

/GS/

0

Kampionët e Juventusit e mbyllën me barazim epilogun e Serie A, ku në ndeshjen e fundit u ndanë 2-2 me Veronën.

Perejra u dha avantazhin bardhezinjve duke realizuar një supergol në minutën e 42’.

Nuk vonoi kundërpërgjigjja e veronezëve që në minutën e 48’ gjetën golin e barazimit me Tonin.

Epërsinë “Zonjës së Vjetër” i riktheu Lorente që shënoi në minutën e 57’.

Megjithatë vulosi gjithçka Gomez Taleb që shënoi golin e barazimit në minutat shtesë.

Toni konfirmohet si golashënuesi më i mirë i Serie A me 22 gola, dy më shumë se Tevez në vend të dytë.

Pas kampionatit dhe kupës, skuadra e Alegrit synon tashmë Championsin, ku për të fituar tripletën do t’i duhet të mposhtë më 6 qershor Barcelonën.

/GS/

0
365

Zyrtarët evropianë po kritikojnë Moskën për një listë të zezë me emra të politikanëve nga BE-ja që do ta kenë të ndaluar të shkojnë në Rusi.

Lista përmban 89 emra dhe është kompletuar nga autoritetet ruse. Një zëdhënëse e shefës së politikës së jashtme të BE-së Federica Mogherini tha se “e konsiderojmë këtë masë si krejtësisht arbitrare dhe të pa justifikueshme”.

Presidenti i Parlamentit të BE-së, Martin Schulz, tha se veprimet e tilla “zvogëlojnë edhe më tej besimin e ndërsjellë”.

Berlin tha se ka kërkuar sqarime nga Moska, duke shtuar se njerëzit që janë në listë kanë të drejtë të dinë se pse ata janë përfshirë aty.

Kryeministri hollandez, Mark Rutte, ka thënë se Moska ka bërë një listë të tillë në përgjigje ndaj sanksioneve të vëna nga BE-ja ndaj Rusisë me rastin e aneksimit të Krimesë nga Rusia. /Rel/

0

 

Një 28-vjeçar është arrestuar nga policia e Dibrës pasi akuzohet se ka kanosur një oficer policie të antidrogës.

Shtetasi Erald Cibaku, banues në Peshkopi, dyshohet se ka tentuar të vrasë me sëpatë oficerin e policisë.

“Në vendin e quajtur “Ish shtëpia e pritjes”, në qytetin e Peshkopisë, ky shtetas  nëpërmjet  një mjeti “Sopatë, ka kanosur seriozisht për vrasje  për shkak të detyrës , Specialistin e Seksionit për  Narkotikët  në Drejtorinë e Policisë së Qarkut Dibër , oficerin e policisë  N.S”, thuhet në njoftimin e policisë.

28-vjeçarit iu sekuestrua një sëpatë në cilësinë  e provës materiale, ndërkohë që materialet i kaluan Prokurorisë për veprime të mëtejshme.

/GS/

 

0

Kryeministri maqedonas Nikolla Gruevski mund të japë dorëheqjen për t’i hapur rrugë zgjidhjes së krizës në vend.

Në vend të tij mund të zgjidhjet Ministri aktual i Shëndetësisë, Nikolla Todorov, nga radhët e partisë në pushtet VMRO-DPMNE.

Për një skenar të tillë po qarkullon në mediat maqedonase, të cilat u referohen burimeve diplomatike. Qeveria e re do të jetë kalimtare dhe jo teknike apo e shpëtimit kombëtar.

Pjesë e qeverisë së re do të jetë edhe LSDM në opozitë, e cila mund të marrë disa ministri, që do të përcaktohen nga negociatat mes palëve.

Sipas mediave maqedonase, Nikolla Gruevski do të vijojë të drejtojë VMRO-DPMNE-në deri në zgjedhjet e reja, që mund të zhvillohen brenda 6 muajve.

/Tv Klan/

0

Një ditë pas rikonfirmimit si presidentit i FIFA-s, Sep Blater ka akuzuar UEFA-në për fushatën e keqe të urrejtjes ndaj tij në zgjedhjet e fundit në institucionin më të lartë të futbollit botëror.

“Nga ana e UEFA-s dhe e presidentit të saj ka qenë një fshatë e vërtetë urrejtje, unë i fal të gjitha por nuk i harroj”, u shpreh Blater.

“Është urrejtje, jo vetëm nga një person por nga e gjithë organizata UEFA, që nuk ishte e përfshirë në vitin 1998 kur unë u bëra president”, shtoi ai.

Me gjithë zhgënjimin Blater thekson se ende do të kërkojë të ruajë marrëdhëniet me kreun e UEFA-s.

Pas skandalit të arrestimeve për korrupsion të disa zyrtarëve të FIFA-s, Mishel Platini kërkoi largimin e menjëhershëm të Blaterit nga posti i presidentit të FIFA-s./GS/

0

Udhëheqësi i zyrës për Kosovën në Serbi, Marko Gjuriç, tha se askush nuk mund të shpëtojë nga drejtësia dhe se kriminelët duhet të përgjigjen para gjykatës.

Deklarata e zyrtarit serb vjen pas shtyrjes së seancës parlamentare për Gjykatën Speciale, e cila do të dënojë krimet e luftës në Kosovë.

“Serbia përkrah themelimin e Gjykatës Speciale. Nuk duhet dhe nuk mund t’i iket drejtësisë. Ligjit nuk mund t’i shpëtojë askush. Ata që janë përgjegjës duhet të sillen para bankave të gjyqit”, ka thënë Gjuriç në një deklaratë për të përditshmen serbe “Tanjug”.

Ai theksoi se është thelbësore dhe shumë e rëndësishme që Kuvendi i Kosovës të merret me këtë çështje.

/GS/

0

Durrës – Ministria e Shëndetësisë ka prezantuar sot në Durrës recetën elektronike. Ministri Beqaj ishte vet atje dhe e përdori këtë arritje edhe për fushatën e Vangjush Dakos. Krahas recetës në fjalë, Ministria e Shëndetësisë ka riprezantuar edhe kartën e shëndetit, aplikacionin e-Barna, si dhe planet afatmesme dhe afatgjata për përdorimin e shëndetësisë elektronike me disa qëllime kryesore.

“Të gjitha prezantimet kanë një fill të përbashkët: Standard i ri transparence dhe shkurtim kohe i komunikimit të qytetarëve me hallka të ndryshme të sistemit. Me miratimin e programit të ri nga fondi i inovacionit, do të mundësohet që në mënyrë ligjore dhe të sigurt do të eliminohen firma dhe vula në shëndetësi. Çdo mjek apo farmacist, me zbatimin e plotë të këtij program, do të ketë një instrument që do ta lidhë në kompjuterin e tij dhe nga ky moment çdo gjë që ai do të nisë do të jetë e firmosur dhe e vulosur dhe do të jetë vetëm e tija. Kjo do të bëjë të mundur të kufizohet pjesa letër dhe do të reduktojë maksimalisht hapësirën që me këto letra të ketë abuzime”, theksoi Beqaj.

/GS/

 

 

0

Të paktën 71 civilë, shumë prej të cilëve gra dhe fëmijë u vranë sot si pasojë e sulmeve

të regjimit në Siri.

Agjencia franceze e lajmeve AFP njofton se 33 civilë të tjerë u vranë në një treg në Al-Báb-it, rreth 40 kilometra në verilindje të qytetit Alepo në një zonë të kontrolluar nga Shteti Islamik (IS).

Sulmet kanë prekur qytetin Al-Bab nën kontrollin e ekstremistëve të ISIS dhe lagjen Al-Char në qytetin Alepo, nën kontrollin e rebelëve sirianë”, bën me dije Observatori sirian për të Drejtat e Njeriut.

/GS/

0

Para shtatë vjetësh Qeveria dhe Presidenca e Kosovës ishte zotuar se në vitin 2015 do të përmbushnin Objektivat për Zhvillim të Mijëvjeçarit, që kanë për qëllim ta ulin dukshëm varfërinë, e ta rrisin nivelin e edukimit, barazinë gjinore dhe shëndetësinë.

Ligjvënësit kosovarë, përmes një rezolute, në vitin 2008 kanë miratuar Deklaratën e Mijëvjeçarit të Kombeve të Bashkuara. Atëkohë, ata qenë zotuar se së bashku me Presidencën dhe Qeverinë e Kosovës, do t’i përmbushnin tetë objektivat e kësaj deklarate, përfshirë edhe varfërinë.

Ish-zëvendësministri i Punës dhe Mirëqenies Sociale në vitin 2008, Gjergj Dedaj, konsideron se autoritetet kompetente nuk e kanë përmbushur këtë zotim.

Në prononcimin për Radion Evropa e Lirë, ai madje thotë se shkalla e varfërisë në Kosovë nuk është zvogëluar, por është rritur dhe kjo çështje, sipas tij, duhet të jetë alarm për Qeverinë e Kosovës.

“Mund të bëhet propagandë zgjedhore, marketing i politikave ditore, partiake, por shkalla e varfërisë në Kosovë jo që nuk është ulur, por në fakt është në rritje e sipër”.

“Kjo është shumë shqetësuese dhe duhet të alarmohen të gjitha institucionet e Kosovës, sepse institucionet përgjegjëse për uljen e varfërisë, më shumë merrem me probleme dytësore, sesa me varfërinë”, konsideron Dedaj.

Edhe ekspertë për çështje ekonomike vlerësojnë se institucionet e Kosovës nuk kanë arritur t’i përmbushin Objektivat e Mijëvjeçarit të Kombeve të Bashkuara.

Driton Qehaja, profesor në Fakultetin Ekonomik në Universitetin e Prishtinës, thotë se në Kosovë ende ka mungesë të te dhënave të sakta sa është shkalla e varfërisë.

“Jo nuk është përmbushur dhe ka shumë punë për t’u përmbushur zotimet për uljen e shkallës së varfërisë. Por, së pari duhet të evidentohet se sa është shkalla e varfërisë, pastaj mund të dihet se a është përmbushur ai kriter”, thotë Qehaja.

Në anën tjetër, zyrtarë të Qeverisë thonë se përpjekjet në këtë drejtim nuk kanë munguar.

Muhamet Gjocaj, drejtor i Departamentit të Mirëqenies Sociale që funksionon në kuadër të Ministrisë së Punës dhe Mirëqenies Sociale, në një prononcim për Radion Evropa e Lirë, thotë se niveli i varfërisë, nga kjo ministri matet me numrin e familjeve që gjenden në asistencë sociale.

Ai thotë se ka zvogëlim të numrit të familjeve që marrin asistencë sociale, por ka rritje të buxhetit për këtë kategori.

“Kështu siç po shihet, është përgjysmuar numri i familjeve me asistencë sociale, prapë nuk guxoj të them se është përgjysmuar shkalla e varfërisë, apo është rritur niveli i mirëqenies. Por, megjithatë janë disa tregues pozitivë”, deklaron Gjocaj.

Sipas statistikave zyrtare për vitin 2011, varfëria e përgjithshme është afër 30 për qind, kurse varfëria ekstreme është në 10 për qind.

Por, organizata të ndryshme joqeveritare konsiderojnë se kjo shifër mund të jetë shumë më e lartë.

Ndryshe, në listën e asistencës sociale figurojnë mbi 26 mijë familje, të cilat marrin nga 40 deri 120 euro në muaj, varësisht nga numri i anëtarëve. Për çdo muaj, rreth 500 familje të reja aplikojnë për ndihma sociale./Rel/